“Victoria’s secret”-ийн сахиусан тэнгэр Адриана Лима 41 насандаа гурав дахь хүүхдээ төрүүлжээ. 12 настай Валентина, 9 настай Сиенна нарын эцэг нь Сербийн сагсан бөмбөгчин Марко Жарик юм. Харин шинэ хүүхдийн аав нь холливудын продюссер Андре Лэммэрс. Бяцхан хүү наймдугаар сарын 29-нд Калифорниагийн Санта Моникад төржээ.

Шинэ хүндээ Сиан Лима Лэммэрс гэдэг нэр өгчээ. Энэ нэрний утга учир нь Малдив, Бахама, Бора Бора зэрэг дэлхийн өнцөг булан бүрт байгаа үзэсгэлэнтэй далай тэнгисийн усны гоо сайхныг бэлгэдсэн байна. Сиан гэдэг нь ногоон, цэнхэр хоёрын завсрын өнгө юм. “People” сэтгүүлд мэдээлснээр эх хүүхэд хоёрын бие сайн бөгөөд хүүгийн нүд, уруул нь ээжийгээ дуурайжээ.

Адриана Лима хоёрдугаар сарын сүүлээр ТикТок бичлэгээр жирэмсэн болсноо мэдээлж байв. “Victoria’s secret”-ийн сахиусан тэнгэр тэрбээр 2003, 2007, 2008, 2010, 2012 онуудад уг шоуг нээж байжээ. Тэр “Giorgio Armani”, “Vera Wang”, “Louis Vuitton”, “Prada”, “Christian Dior” болон “Anna Sui” брэндүүдтэй хамтарч ажилладаг.

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн

error: Content is protected !!